Jeta në Zvicër
Edhe pse nuk kaloi në semafor të kuq, gjobitet me 250 franga
Një shtetas francez është dënuar në Gjenevë edhe pse drita në semafor ka qenë e gjelbër, por është nisur me vonesë. Për këtë ndalesë të shkurtër, ai është gjobitur
Një zyrtar i një organizate ndërkombëtare nga Ferney-Voltaire të Francës, që punon në Gjenevë, gjatë kësaj vere është gjobitur nga policia zvicerane. Arsyeja e gjobës në trafik, e ka irrituar pa masë francezin.
Në ditën e festës kombëtare franceze, ai ka qenë duke qarkulluar në “Rue de Lausanne” në Gjenevë, rreth orës 15.00. Papritmas, ai është ndalur nga policia zvicerane, e cila e ka gjobitur me 250 franga për shpërfilljen e një sinjali të komunikacionit, transmeton albinfo.ch.
Ndryshe nga shumë vozitës të tjerë, francezi nuk u gjobit sepse kishte vozitur në semafor të kuq, por pasi ai nuk e kishte nisur veturën e tij menjëherë pasi është ndezur drita e gjelbër.
“Sjellja e tre oficerëve të rinj të policisë më tregoi qartë se ata kishin kënaqësi për të gjobitur një të huaj, veçanërisht për shkak se unë jam francez”, ka shpjeguar shtetasi francez për “Le Dauphine”, transmeton Albinfo.ch.
Ai ishte i bindur se autotarga franceze ishte një “arsye e rëndësishme për ta gjobitur”. Më 17 korrik, tre ditë më vonë, ai i dërgoi një letër autoriteteve përkatëse. “Pasi nuk mora përgjigje, unë shkova atje”.
Francezi u përpoq për të negociuar: “Unë i thashë nëpunësve policorë se me këtë rast askujt nuk ia kam rrezikuar jetën vetëm për shkak se nuk u nisa për 20 sekonda, edhe pse drita ishte e gjelbër”.
Por, policia i ishte përgjigjur se ky veprim është po aq i keq, pasi e pengon trafikun.
Të ngjashme
Të tjera nga Jeta në Zvicër
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim