Rama: Shqipëria nuk ka çmime të larta për turizëm

Kryeministri i Shqipërisë, Edi Rama ka folur për sezonin turistik që zyrtarisht është në ditët e fundit, ku foli edhe për ankesat për rritje të çmimeve.

Ai tha se Shqipëria është një nga vendet ku pushimet janë ekonomike, duke shtuar se këtë e vërtetojnë edhe turistët e huaj, të cilët janë të kënaqur me shërbimin dhe çmimet.

“Atyre që thonë që çmimet janë të larta ju them që së pari është interesant, sepse turistët e huaj vijnë në Shqipëri dhe thonë: Shqipëria është shumë e bukur, pushimet janë të lira dhe mikpritja është e jashtëzakonshme. Ndërkohë që shqiptarët që komentojnë thonë: Shqipëria është e shëmtuar, pushimet janë shumë të shtrenjta dhe të gjithë ata që shërbejnë janë për tu vrarë. Tani o turistët e huaj janë nën efektin e drogës që i kemi dhënë ne si qeveri dhe nuk dinë ku kanë ardhur dhe as dinë çfarë flasin, pse pastaj ka një problem me këta që komentojnë”, ka theksuar Rama, përcjell albinfo.ch.

Ai ka shpjeguar se çmimet nuk i vendos qeveria por tregu.