Dodik do të komunikojë me Skype me dy kolegët e presidencës – Komsic dhe Xhaferovic

Covic i cili ka pranuar humbjen, ka arsyetuar se “boshnjakët nuk mund të legjitimojnë përfaqësuesit kroat, kjo është rruga e padrejtë, nuk është europiane”.

Të dielën e kaluar u mbajtën zgjedhjet presidenciale, parlamentare dhe kantoniale në Bosnjë e Hercegovinë. Kandidati nacionalist kroat, Dragan Covic (HDZ), ka pësuar shpartallim. Ai fitoi bindshëm gjatë 2014, ku edhe atëherë kandidonte për përfaqësim në presidencën me tri koka. Tashmë në këtë pozitë është zgjedhur shefi i partisë Fronti Demokratik, Zeljko Komsic. Ai vlen si përfaqësues i të gjithë boshnjakëve, ai nuk mendon kombëtarisht, por ka bindje socialdemokrate, shkruan “Der Standard”, përcjell albinfo.ch.

Covic, i cili ka pranuar humbjen, ka arsyetuar se “boshnjakët nuk mund të legjitimojnë përfaqësuesit kroatë, kjo është rruga e padrejtë, nuk është europiane”.

Si përfaqësues boshnjak fitoi juristi Sefik Xhaferovic, nga partia SDA, pak mbi socialdemokratët e Denis Becirovic. Në krahasim nga 2014, partia e SDA fitoi bindshëm më pak vota. Ky është sinjal se socialdemokratët mund të fitojnë ndaj partive të cilat mendojnë vetëm kombëtarisht.

Si përfaqësuesi serb i presidentës fitoi Milorad Dodik, i cili në fakt kërkon shpërbërjen e Bosnjës dhe pavarësinë e Republika Srpska. Tani ai fitoi për të “përfaqësuar” Bosnjën.

“Ivanicin nuk e ndihmuan as votat myslimane nga diaspora”, tha Dodik gjatë festës së fitores. Ai mendonte se “fitorja është e pastër si loti”. Dodik nuk udhëtoi për në Sarajevë, ku është edhe presidenca shtetërore – por do dërgojë një përfaqësues atje ose do të komunikojë me Skype me dy anëtarët e tjerë të presidencës.

---