Shaqiri zemëron fansat e Liverpulit: Akoma jeton në Manchester

Përgjigja e Shaqirit ka shkaktuar reagim edhe te mediat britanike, të cilat janë habitur me përgjigjen e shqiptaro-zviceranit.

“Sinqerisht nuk kam qenë asnjëherë në qytetin e Liverpulit”. Kjo përgjigje e yllit shqiptar të futbollit, Xherdan Shaqiri, ka shkaktuar zemërim te tifozët “e kuqtë”. Përgjigjja e tij erdhi ndaj pyetjes së “Blick” se si shkon me jetën e re në Liverpul.  

Përgjigjja e Shaqirit ka shkaktuar reagim edhe te mediat britanike, të cilat janë habitur me përgjigjen e shqiptaro-zviceranit. Shaqiri u transferua nga Stoke City në Liverpul dhe prej atëherë kurrë nuk ka qenë në “qendrën e Liverpulit”. Ai jeton akoma në qytetin e Manchesterit, ashtu si më parë.

Shaqiri që pritet të festojë së shpejti 27-vjetorin e lindjes, gjatë intervistës foli edhe për raportet me trajnerin Jurgen Klopp. “Raportet me të janë shumë të ngrohta dhe Klopp ka mjaft humor gjatë stërvitjeve”, thotë Shaqiri. “Besoj se së shpejti do të jem edhe si titullar në Liverpul”.

---