Kosova
Ambasadorët e politizuar
Ish-ministri i Brendshëm, Bejtush Gashi, i shkarkuar nga kjo pozitë, pritet të emërohet ambasador në Shqipëri
Qeveria ka vazhduar me politizimin e shërbimit të jashtëm të Kosovës, duke emëruar ambasadorë njerëz të partive në pushtet.
Ditë më parë, në Komisionin për Punë të Jashtme, është proceduar për dekretim te presidenti emri i Avni Arifit, këshilltarit të kryeministrit, për ambasador në Emiratet e Bashkuara Arabe.
Ish-ministri i Brendshëm, Bejtush Gashi, i shkarkuar nga kjo pozitë, pritet të emërohet ambasador në Shqipëri, raporton KTV.
Para tij, Ekrem Mustafa, tani ministër i Brendshëm, ishte propozuar për këtë pozitë por emri i tij ishte tërhequr, përcjell albinfo.ch.
Kryetarja e Komisionit për Punë të Jashtme, Vjosa Osmani, akuzon partitë në pushtet për shkelje të Ligjit për Ministrinë e Punëve të Jashtme dhe Shërbimin Diplomatik, duke e tejkaluar kuotën prej 50 përqind me emërime politike të ambasadorëve.
Thotë se tashmë kjo kuotë ka kaluar në 80 përqind.
Të njëjtin shqetësim e ka shprehur edhe Vetëvendosje. Deputetja Fitore Pacolli thotë se shërbimi i jashtëm vazhdon të degradohet me emërime të militantëve partiakë.
Zyrtarë tjerë politikë tashmë janë emëruar ambasadorë. Gjergj Dedaj është dekretuar ambasador në Maqedoni. Gjithashtu, Arbër Vllahiu, anëtar i AAK-së, aktualisht është shef i misionit diplomatik në Çeki.
Sipas Ligjit për Ministrinë e Punëve të Jashtme dhe Shërbimin Diplomatik të Kosovës, kërkohet që së paku 50% e ambasadorëve të emëruar të jenë ambasadorë të karrierës, ndërsa pjesa tjetër të jenë të emëruar politik.
Lëvizjet e shumta prej kur mandatin e ka nisur kryeministri Ramush Haradinaj, në koalicion me AKR-në e Nismën, Ministria e Punëve të Jashtme i ka quajtur normale.
Drejtori për Komunikim në MPJ, Sami Kastrati, ka thënë për KTV-në se emërimet e ambasadorëve të rinj do të vazhdojnë dhe do të bëhen në konsultim me kryeministrin dhe presidentin, në pajtim me ligjet në fuqi.
E-Diaspora
-
Njoftim për diasporën: Vetëm edhe 10 ditë për regjistrimin e popullsisë, ReKos 2024 Konsullatat e përgjithshme në të gjitha shtetet e Evropës, përfshirë edhe shtetasit shqiptarë në Amerikë dhe...
-
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
Jeta në Zvicër
-
Zvicra dhe Kosova marrëveshje bashkëpunimi për projektin “Matching Skills to Jobs” Mbështetja e sistemit të arsimit profesional, ambasadori Sprecher dhe ministrja Nagavci nënshkruan marrëveshje bashkëpunimi për projektin...
-
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
-
Migrimi ndërmjet kantoneve zvicerane – fituesit dhe humbësit
-
Rritje e racizmit në shkollat zvicerane