Edhe Ford tërheq 1.5 milion vetura nga tregu

Prodhuesi amerikan i automjeteve Ford ka tërhequr 1,5 milion vetura në Amerikën e Veriut dhe në Meksikë, sepse mund të ndalojnë papritur për shkak të një defekti në rezervuarin e karburantit.

Kjo tërheqje prek automjetet “Ford Focus” vit-prodhimi 2012-2018 që pritet të zgjidhë një problem të valvolave që dyshohet se lënë një boshllëk në sistemin e karburantit dhe se deformojnë rezervuarin, transmeton “ATSH”.

Kjo thirrje prek rreth 1,3 milion automjete në SHBA, 136 300 në Kanada dhe 44 500 në Meksikë, përcjell albinfo.ch.

Një ditë më herët edhe BMW ka njoftuar se ka tërhequr nga tregu 1.6 milion vetura.

Edhe kompanitë tjera së fundi kanë tërhequr shumë vetura, për shkak të defekteve të ndryshme.