Alpinisti francez ngjitet në ‘Heron Tower’ në Londër

Alpinisti francez, Alain Robert, i njohur ndryshe edhe si ‘spidermani francez’, është ngjitur në njërën nga ndërtesat më të larta të Londrës, pa litar.

56-vjeçarit iu desh një orë për t’u ngjitur 230 metra në ‘Heron Tower’, në rajonin financiar të qytetit.

Policia mbajti turmat e njerëzve mbrapa, ndërsa alpinisti vazhdonte rrugën, përcjell albinfo.ch.

Këtë hobi Robert e filloi kur ishte 11-vjeç, ndërsa deri tani është ngjitur në më shumë se 150 rrokaqiej në mbarë botën, përfshirë edhe “Burj Khalifa-n” e Dubait, ndërtesa më e lartë në botë, “Kullën Eifel” dhe “Shtëpinë e Operës së Sidneit”. Ai shpesh ngjitet pa leje dhe është arrestuar disa herë.