Me kë do të luajë Zvicra në “play-off”?

Zvicra, Anglia dhe Portugalia deri më tani kanë siguruar një vend në “Play-off” të Ligës së Kombeve

Zvicra mundi me përmbysje Belgjikën 5:2, duke siguruar vendin e parë në grup dhe tashmë është kualifikuar në gjysmëfinale të Ligës së Kombeve, shkruan albinfo.ch.

Nati tashmë ka siguruar biletën për fazën tjetër dhe do të jetë në vazon e parë për kualifikimet e “Euro 2020”.

Helvetikët kanë siguruar “Play-off”-in, së bashku me Portugalinë dhe Anglinë, derisa kombëtarja e fundit do të jetë mes Francës dhe Holandës. Kjo e fundit është mysafire e Gjermanisë të hënën (sot) dhe i mjafton një barazim për të kompletuar katërshen e madhe në “Play-off” të Ligës së Kombeve.

Fituesi i grupit A, do të sigurojë një vend në Evropianin e ardhshëm dhe njihet si fitues i kësaj lige, që po aplikohet për herë të parë. Shorti do të hedhet më 3 dhjetor, ku gjithashtu do të jetë shorti për kualifikimet e Kampionatit Evropian.

 

---