Ardian Bujupi në turne në Kosovë

Këngëtari me rrënjë shqiptare nga Kosova, Ardian Bujupi ka paralajmëruar një turne koncertesh gjatë verës në disa qytete të Kosovës

Ardiani Bujupi, i cili u bë i njohur në spektaklin e talenteshout “Deutschland Sucht Den Superstar”, gjatë qëndrimit në Kosovë ka plafikuar një vizitë edhe në familjen Jashari, bashkë me ekipin e tij që do të udhëtojë nga Gjermania.

Lajmin e ka konfirmuar për mediat kosovare menaxheri i tij, Egzon Krasniqi.

  “Ardiani përpos koncerteve, ka edhe një arsye tjetër të madhe që e ka shtyrë të jetë prezent në Kosovë. Ai do ta vizitojë familjen Jashari, dhe në këtë vizitë atë do ta shoqërojnë edhe disa media gjermane bashkë me kompaninë e tij”, tha Krasniqi.

Gjatë pushimeve të mërgimtarëve në muajin korrik dhe gusht, Ardiani do të performojë në Prishtinë, Prizren, Ferizaj, Pejë, Gjakovë, Mitrovicë dhe shumë qytete të tjera të Kosovës.

Ardian Bujupi ka lansuar së fundi bashk me Dj Dalool hitin “Penthouse”, kurse një këngë tjetër hit ai e ka pralajmëruar gjatë muajit korrik