Japin dorëheqje kryetarët e komunave veriore, ndërpresin bashkëpunimin me Prishtinën

Katër kryetarët e komunave veriore me shumicës serbe kanë thirrur sot një mbledhje të jashtëzakonshme që është shoqëruar me dorëheqjen e kryetari të Komunës Veriore të Mitrovicës, Goran Rakiq.

Siç raportojnë mediat vendore në Kosovë, përveç dorëheqjes së Rakiqit, asamblistët e katër komunave të cilët ishin të pranishëm në këtë mbledhje kanë nënshkruar një rezolutë sipas të cilës kërkohet ndërprerja e të gjitha kontakteve me Prishtinën zyrtare, përcjell albinfo.ch.

Dorëheqja e Rakiq thuhet të ketë ardhur si pasojë e zhvillimeve të fundit dhe arrestimit të disa personave të dyshuar për vrasjen e Oliver Ivanoviqit.

Edhe nënkryetari i Listës Srspska, Milan Radojiçiq, është në kërkim nga Policia e Kosovës.

Dorëheqja e Rakiqit është shoqëruar me duartrokitje, ndërsa pas kësaj është lexuar teksti i rezolutës për ndërprerje të komunikimit me Prishtinën.