200 persona të vdekur nga Ebola në Kongo

Si pasojë e epidemisë Ebola që filloi në muajin korrik, në pjesën lindore të Republikës Demokratike të Kongos, kanë humbur jetën 200 persona. Ministria e Shëndetësisë në këtë shtet ka publikuar të dhëna në lidhje me epideminë Ebola, e cila ka nisur në rajonin Beni dhe është përhapur edhe në disa rajone, përcjell albinfo.ch.

Sipas të dhënave, deri tani janë vërejtur 428 raste të etheve hemorragjike, ku nga këto, 380 persona janë diagnostikuar bartës të virusit Ebola.

Ndërkohë, në kuadër të fushatës së nisur më 8 gusht në rajon, deri më sot janë vaksinuar kundër virusit 38 mijë e 18 persona. Ebola është shfaqur për herë të parë në Republikën Demokratike të Kongos në vitin 1976 dhe në dhjetor të vitit 2013 u përhap në Afrikën Perëndimore.