Presidenti i Zurichut e mbron Kolollin

Futbollisti i Kosovës, Benjamin Kololli është në qendër të vëmendjes nga mediat zvicerane, sepse pas zëvendësimit ka thyer çatinë e bankës rezervë.

Anësori i Zurichut ishte shumë i inatosur që u zëvendësua në minutën e 64-t në ndeshjen e fundit, shkruan albinfo.ch.

Trajneri Ludovic Magnin ka thënë se atë e pret një dënim dhe duhet të kërkojë falje. Dëmin e bankës rezervë sigurisht do ta paguajë ai.

Presidenti Ancillo Canepa është shprehur se edhe ai kur ka qenë i ri si Kololli, ka qenë temperament, derisa ka gjuajtur edhe karrigen në tribunën VIP.

Gjithsesi futbollisti shqiptar pritet të marrë një dënim. Ai ka shkëlqyer për Zurichun si në Ligën e Evropës, ashtu edhe në Superligën e Zvicrës.