FC Besa feston ngritjen në Ligën e Dytë

Ekipi që është themeluar vetëm tri vite më parë u ngjit në ligën e dytë regjionale dhe kjo nuk është pak, mendojnë në FC Besa

Me fitoren e arritur në ndeshjen e 15 qershorit kundër Wyler, FC Besa nga Biel/Bienne ka realizuar suksesin e saj më të madh në historinë e shkurtë të ekzistimit, është ngjitur në Ligën e Dytë regjionale.

Rrugën e ngritjes një kategori më lartë, Besa e kishte trasuar të mërkurën, me rezultatin baraz në ndeshjen e parë kundër FC Wyler nga Berna. Por vulën e fitores skuadra shqiptare e ka lënë të shtunën me barazimin e sërishëm, 1:1 në ndeshjen e kthimit. Kjo ka ndodhur para 1320 shikuesve, kryesisht shqiptarë, të cilët menjëherë pas fishkëllimit për përfundim të lojës shpërthyen në një atmosferë gëzimi e euforie.

Ekipi që është themeluar vetëm tri vite më parë u ngjit në ligën e dytë regjionale dhe kjo nuk është pak, mendojnë në FC Besa.

“Ne e dinim se ndaj një konkurrenti të vështirë sikur Wyler nuk guxojmë të bëjmë gabime”, thotë për Bieler Tagblatt golshënuesi Mohamed Hajjaj.

Të përkujtojmë se për bernasit luante Johan Berisha, futbollisti i njohur i dikurshëm i Young Boys, skuadër e superligës zvicerane, i cili ishte dirigjues i lojës së skuadrës së tij.

Sidoqoftë, “Besa” mori një gol nga penaltia, me çka u barazua rezultati 1:1. Dhe, kur pipi i gjyqtarit shënoi përfundimin e ndeshjes, shikuesit me flamuj shqiptarë pushtuan fushën. Gëzimi nuk njihte kufij. Fansat dhe lojtarët festonin bashkë ngritjen në Ligën e Dytë.