Haradinaj e quan të turpshme kërkesën e Brnabiqit

Kryeministri Ramush Haradinaj ka thënë se është legjitime kërkesa e PSD-së për shkarkimin e ministrit të Bujqësisë, Nenad Rikallo. Sipas tij, të gjitha kërkesat e PSD-së janë legjitime dhe janë të arsyeshme.

Duke folur për dialogun në mes të Prishtinës dhe Beogradit, kreu i Qeverisë e ka konsideruar të turpshme kërkesën e kryeministres së Serbisë, Ana Brnabiq, drejtuar kryeministrit të Shqipërisë, Edi Rama, për tërheqjen e njohjes së pavarësisë së Kosovës, shkruan albinfo.ch

Mëngjesin e sotëm Haradinaj e ka vizituar organizatën “Autizmi Flet”, të cilët kanë vendosur një shtëpizë në sheshin “Zahir Pajaziti”, ku përmes saj po e ndihmojnë këtë grup të shoqërisë.