Kryeministri i Kosovës thotë se taksa s’është pengesë e dialogut

Kryeministri i Kosovës, Ramush Haradinaj, tha se vendimi i Gjermanisë për liberalizimin e vizave për Kosovën duhet të jetë inkurajues edhe për vendet e tjera.
Pas vizitës në Berlin, ku u prit nga kancelarja gjermane, Angela Merkel, me t’u kthyer në Prishtinë ka mbajtur konferencë për medie, ku deklaroi se në këtë vizitë është konfirmuar serioziteti i Kosovës për dialogun me Serbinë, transmeton albinfo.ch.
Ai shtoi se Samiti i Berlinit e ka mbyllur çështjen e formulave të ndërrimit apo shkëmbimit të territoreve. Ai përmendi edhe një herë se taksa mund të suspendohet në rast të një marrëveshjeje reciproke mes Kosovës dhe Serbisë, por ka thënë se ajo nuk është pengesë e dialogut.
Kryeministri ka thënë se Serbia nuk e ka gatishmërinë të kthehet në dialog.