Kosova

Haradinaj: Kosova e di më së miri ndjenjën e largimit nga atdheu

Kryeministri i Kosovës, Ramush Haradinaj ka kujtuar Ditën Botërore të Refugjatëve.

Ai ka shkruar se Kosova e di më së miri ndjenjën e largimit nga atdheu.

Madje kryeministri Haradinaj i ka bashkangjitur shkrimit edhe një fotografi të kohës së luftës në Kosovë.

“Sot, në Ditën Botërore të Refugjatëve, bashkëndjejmë me të gjithë ata njerëz që braktisën tokën e shtëpitë e tyre për shkak të konflikteve të dhunës dhe luftës, apo keqtrajtimeve të ndryshme.
Kosova më së miri e di këtë ndjenjë të largimit nga atdheu, veçanërisht në vitet ‘99, në kërkim të shpresës dhe ikjes nga gjenocidi serb. Po sot, shpreh respektin më të lartë ndaj të gjithë miqve tanë kudo nëpër botë që strehuan familjet shqiptare në ditët më të vështira”, ka shkruar Haradinaj, përcjell Albinfo.ch.