Bota
Policia e serbëve të Bosnjës arreston babain që ka kërkuar drejtësi për vrasjen e djalit të tij
Policia e Bosnje Hercegovinës ka arrestuar të mërkurën në Banja Llukë, Davor Dragiçeviq, kërkesa e të cilit për vdekjen e djalit të tij, Davidit ka nxitur protesta muaj më parë.
Policia e ka ndaluar atë në kryeqytetin e Republikës së serbëve të Bosnjës, pasi ai nuk u është përgjigjur kërkesave të autoriteteve për t’u marrrë në pyetje.
Përveç tij, policia ka arrestuar edhe disa persona tjerë, duke përfshirë edhe ish-gruan e Dragiçeviqit.
Avokati i familjes ka thënë se Davor Dragiçeviq është lënduar gjatë ndalimit, mirëpo policia ka mohuar këtë pretendim, shkruan albinfo.ch
Delegacioni i Bashkimit Evropian në Bosnjë ka reaguar pas këtyre zhvillimeve, duke thënë se është duke vëzhguar këtë situatë.
“Ngjarjet e së mërkurës në Banja Llukë dërgojnë një sinjal negativ dhe alarmues për sundimin e ligjit”, është thënë në deklaratë.
Dragiçeviq pati themeluar Lëvizjen Drejtësia për Davidin, pas vdekjes së djalit të tij 21 vjeçar në mars të këtij viti.
David ishte gjetur i vdekur pas një jave prej kur ishte raportuar për zhdukjen e tij.
Babai i tij ka thënë se ai është torturuar dhe vrarë, derisa sipas policisë viktima ka vdekur pas përdorimit të alkoolit dhe drogës.
Në një marsh të mbajtur më 5 tetor, Davor Dragiçeviq pati thënë se “ministria e Brendshme ka organizuar vrasjen e Davidit”.
“Ky është shtet kriminal, polici kriminale”, ishte shprehur ai.
Autoritetet në Sarajevë dhe Banja Llukë kanë mohuar këto pretendime.
Pas arrestimeve të 25 dhjetorit, policia ka hequr një memorial të improvizuar për David Dragiçeviqin, vend të cilin banorët kanë vënë qirinj dhe lule për muaj të tërë.
Dhjetëra persona kanë shikuar këtë ngjarje me lot në sy.
Të ngjashme
Të tjera nga Bota
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Qindra studentë protestuan para Universitetit të Lozanës Disa qindra njerëz u dyndën në kampusin e Universitetit të Lozanës të shtunën për të mbështetur...
-
Fëmijët të mbahen larg celularëve
-
Sot zviceranët votojnë për ligjin e ri të biçikletave dhe kredinë për shkollën profesionale
-
Rritje 293 për qind e studentëve të huaj në Universitetin e Cyrihut
-
Nëntë kilometra bllokim trafiku përpara tunelit Gotthard