Lifestyle

Cardi B ka pranuar se ndjen shumë presion

E martë, 25 Dhjetor 2018 - 22:00 albinfo.ch

Këngëtarja Cardi B ka pranuar se është duke ndjerë shumë presion dhe ankth për të realizuar albumin e saj të dytë. Krijuesja e hitit ‘The Bodak Yellow’ ka thënë se është shumë nervoze sa i përket albumit të radhës, pasi që të gjitha këngët nga albumi i parë ‘Invasion of Privacy’ ishin aq të suksesshme në SHBA e përtej, shkruan albinfo.ch

“Jam e lumtur që albumi doli mirë, por kam shumë presion dhe ankth, sepse i dyti duhet të jetë më i mirë sesa i pari”, shkroi ajo në Instagram.

Në muajin shtator, shkurt pas lindjes së vajzës së saj Kulture, me bashkëshortin nga i cili tashmë u nda, Offset, Cardi kishte pranuar se i vjen keq që ka munguar në studio kaq gjatë.