Kapen kosovarët, kanë paguar nga 2000 euro për të kaluar kufirin

Në veturë ndodheshin dy kosovarë të cilët kanë deklaruar se i kanë paguar hungarezit secili nga 2000 euro për t`i sjellë në Austri

Policia austriake ka arrestuar të enjten një hungarez të dyshuar se ka kontrabanduar dy kosovarë kundrejt pagesës nga Hungaria në Austri. Hungarezi 25 vjeçar u ka marrë dy shtetasve kosovarë 4000 euro për t`i kaluar ilegalisht matanë kufirit njoftojnë mediet austriake.

Policët, pjesëtarë të një njësiti special kundër kontrabandimit, pasi kishin kontrolluar në afërsi të një ish vendkalimi kufitar kanë parë veturën e 25 vjeçarit.

Në atë veturë ndodheshin dy kosovarë të cilët kanë deklaruar se i kanë paguar hungarezit secili nga 2000 euro për t`i sjellë në Austri.

Kundër të dyshuarit për trafikim ilegal tashmë është ngritur një padi penale. Ndërsa dy kosovarët janë transportuar në qendrën e policisë në Eisenstadt.