Rritet përdorimi i morfines në spitalet zvicerane

Konsumi i morfines në trajtimin ambulator në Zvicër u rrit me 70% në 2017, sipas një studimi nga Helsana, siguruesi më i madh shëndetësor i vendit, në bashkëpunim me Spitalin Universitar të Bazelit dhe Institutin e Mjekësisë Farmaceutike.

Rritja e konsumit pjesërisht mund të shpjegohet me rritjen e recetave të ilaçit të dhimbjes në institucionet psikiatrike, njoftoi të dielën gazeta Le Matin Dimanche. Morfina po zëvendëson gjithnjë e më shumë metadonin, i cili u jepet përdoruesve të drogës si zëvendësim për heroinën, pasi morfina shmang disa efekte anësore për pacientët, përcjell albinfo.ch

Por kjo rritje ishte gjithashtu pjesë e një rritjeje të përgjithshme të konsumit të narkotikëve ligjor të cilët ndryshe quhen opium, të cilat mbulojnë të gjitha dhimbjet, tha gazeta.

Shifrat nga Interpharma, shoqata e kompanive farmaceutike zvicerane, tregojnë se shitja e narkotikëve u rrit me rreth 50% midis 2010 dhe 2017, nga 1.27 milion në 1.82 milion njësi.