Firma humb miliardat, shefi merr 59.5 milionë dollarë!

Kompania që drejton, ka shënuar humbje shumëmiliardëshe ndërsa shefi i saj i ka lejuar vetes të "shpërblehet" me jo më pak se afër 60 milionë dollarë (59.5).

Fjala është për shefin e Glencore, giganitit të tregtisë ndërkombëtare me lëndë të para, që ka selinë në Zug të Zvicrës, Ivan Glasenberg. Shefat e sektorëve si të bakrit, naftës, zingut dhe thëngjillit kanë fituar në mes të 17.3 dhe 22 milionë dollarë, shrkuan “NZZ am Sonntag“.

Glencore, në gjashtëmujorin e parë të këtij viti, kryesisht si pasojë e një transaksioni të pasuskesshëm, ka pësuar humbje prej 9.2 miliardë dollarësh. Nga ky rezultat, sipas qarqeve brenda kompanisë, ajo duhej të paguante 163 milionë në emër të tatimit. Por kjo pagesë deri më tash nuk është lejuar nga stafi drejteus.

Veprimi i tillë i Glencore ka ngjallur kritika në qarqet e ndryshme të kantonit të Zugut, përfshirë këtu edhe qarqet e djathta.

Parlamentari kantonal nga CVP, Urs Raschle me këtë rast ka thënë se Zug-u ka përfituar shumë nga Glencore.- por, nëse kompania nuk paguan më tatime, ne duhet të diskutojmë hapur, nëse ajo më shumë na sjell dëm apo fitim“.