Margarina shkakton depresion

Margarina nxit depresionin, ndërsa gjalpi ndikon pozitivisht në të mësuarit, tregon një hulumtim i zhvilluar nga shkencëtarët e Fakultetit të Mjekësisë në Universitetin Dokuz Eylül në qytetin perëndimor të Turqisë, Izmir. 

Prof. Dr. Nazan Uysal Harzadın nga Fakulteti i Fiziologjisë foli lidhur me hulumtimin e zhvilluar në minj. Ajo tregoi se kanë ushqyer minjtë me ushqime që kanë 10 për qind vajra dhe kanë hulumtuar se si këto vajra ndikojnë në sjelljen e tyre. 

Harzadın potencoi se si rezultat i punimit shkencor kanë vërejtur se në rastet kur kanë përdorur vaj luledielli, kanë konkluduar se niveli i depresioni dhe ankthit është më i lartë.  “Kur i testonim kafshët në mekanizëm, nuk mund të vendosnin se ku të shkojnë”, përcjell albinfo.ch.

Kështu që mendojmë se vaji i lulediellit ndikon negativisht në pjesën për vendime të trurit”, tha Harzadın. Niveli i ankthit te kafshët që konsumojnë vaj ulliri, është tejet i ulët.  Këto kafshë ishin më të relaksuara. Gjithashtu, edhe kapaciteti i të mësuarit ishte i lartë tek ato”, shtoi ajo. Sipas profesoreshës Harzadın, në ushqime duhet t’i jepet përparësi përdorimit të gjalpit dhe vajit të ullirit.