Stema e re e Qeverisë së Maqedonisë, edhe në shqip

Qeveria e Maqedonisë së Veriut me hyrjen në fuqi të emrit të ri pas publikimit në Gazetën Zyrtare, ka publikuar edhe stemën e re që për herë të parë është e shkruar edhe në gjuhën shqipe.

Për herë të parë në stemën e re shtetërore do të figurojë edhe gjuha shqipe, në përputhje me Ligjin për gjuhët, përcjell albinfo.ch.

Përveç kësaj, të gjitha mbishkrimet qeveritare dhe materialet e tjera do të duhet të jenë edhe në gjuhën shqipe.

Lidhur me këtë do të përkujdeset Grupi ndërsektorial për kryerjen e detyrimeve që dalin nga Marrëveshja e Prespës, që do të merret me nevojat e masave dhe aktivitetet për kryerjen e detyrimeve të Republikës së Maqedonisë së Veriut. Ndërsa në të gjitha pikëkalimet kufitare sot janë vendosur tabelat me emrin e ri kushtetues të shtetit.