IML në Maqedoni po identifikon viktimat e aksidentit të autobusit

Ministri i Shëndetësisë, Venko Filipçe, nga spitali i përgjithshëm i qytetit “8 Shtatori” sonte ka vazhduar për tek Instituti për Mjekësi Ligjore, ku duhet të identifikohen personat që kanë humbur jetën.

Filipçe ka theksuar se deri më tani numri i personave që kanë humbur jetën ka arritur në 13, ndërsa 7 prej tyre e kanë humbur jetën në vendin e ngjarjes, ndërsa 5 kanë vdekur në spitalin e qytetit.

Katër persona janë hospitalizuar në gjendje kritike, ndërsa ai thekson se edhe 2 prej udhëtarëve gjenden në gjendje kritike në Qendrën Emergjente.

Informata të reja rreth të lënduarve sonte nuk do të ketë, por në mëngjes do të dalim me informata të reja, sepse procesi i shërimit po vazhdon, ka theksuar ai, shkruan AlsatM, përcjell albinfo.ch.

Drejtori i spitalit, Hristijan Kostov, sonte ka kumtuar emrat e të lënduarve për familjarët.