Përgatitjet e fundit për ceremoninë ‘OSCAR’

Punëtorët e ndërtimtarisë e kanë pushtuar teatrin ‘Dolby’ në bulevardin e Hollywoodit, ku tashmë kanë filluar përgatitjet për natën më të madhe në kinematografi, ceremoninë e ndarjes së shpërblimeve ‘Oscar’.

Vetëm edhe katër ditë na ndajnë nga kjo ngjarje glamuroze, dhe detajet e fundit në pjesën e jashtme të teatrit janë duke u rregulluar, për ta bërë gati vendin për shtrimin e qilimit të kuq, ku pritet të parakalojnë disa prej yjeve më të mëdhenj të Hollywoodit, përcjell albinfo.ch.

Edhe posterët e këtij edicioni të ceremonisë ‘Oscar’ ishin vendosur, përfshirë këtu edhe prapavijën e vendit ku yjet ndalojnë për të pozuar për fotografët e mbledhur përreth qilimit të kuq.

Në tërësi, tetë filma janë duke garuar për çmimin kryesore atë “Filmi më i mirë i vitit”, derisa fituesi pritet të bëhet i ditur këtë të diel, më 24 shkurt.