Aksion i përbashkët policor Maqedoni-Gjermani

Janë arrestuar rreth 50 trafikantë të drogës

Policia e Maqedonisë sot ka arrestuar rreth 16 persona në disa qytete të vendit të dyshuar si pjesë të rrjetit prej 50 vetave të përfshirë në trafikimin e lëndëve narkotike dhe pastrimit të parave.

Arrestimet janë bërë në bashkëpunim me policinë gjermane, ndërsa në të njëjtën kohë në Frankfurt të Gjermanisë janë arrestuar mbi 35 veta, prej të cilëve 19 shtetas të Maqedonisë, të cilët ishin pjesë e këtij rrjeti.

Sic raporton INA  arrestimet janë kryer në Shkup, Kumanovë, Shtip, Manastir, Shën Nikollë dhe Strugë, ndërsa personat e këtij rrjeti gjatë kohë ishin përcjell dhe hetuar nga organet policore.

Një person i këtij rrjeti tashmë gjendet në burg, ndërsa tre të tjerë janë në arrati.

Ky grup kriminal më së shumti merrej me trafikimin e heroinës, por edhe me lloje tjera të lëndëve narkotike.

Gjithashtu dyshimet janë edhe për përfshirje në pastrimin e parave përmes kompanive vendore.