Pranon se ka abuzuar seksualisht me 114 të mitur

Shumica e rasteve, 71 sish, tashmë janë vjetruar (parashkruar) dhe për to autori nuk ndiqet penalisht, ka bërë të njohur prokuroria e Bernës

Një terapeut social nga kantoni i Bernës akuzohet se në 33 raste të ndryshme ka abuzuar seksualisht  me fëmijë dhe të rinj. Për këtë ai duhet të përgjigjet para gjyqit  në Bernë

Rreth 29 vjet ka qenë periudha kohore brenda të cilës ai ka kryer numrin e  madh të veprave që dënohen me ligj si sulme seksuale dhe abuzime me fëmijë dhe me persona të varur etj.

Zvicerani 57 vjeçar ka pranuar madje se në 114 raste ka abuzuar seksualisht me fëmijë dhe të rinj, kryesisht me të meta, të strehuar në qendra të ndryshme strehimi për të mitur.  Shumica e rasteve, 71 sish, tashmë janë vjetruar (parashkruar) dhe për to autori nuk ndiqet penalisht, ka bërë të njohur prokuroria e Bernës,

Rasti i rëndë pati dalë në medie në vitin 2010 me ç`rast pati bërë jehonë të madhe ne opinion.

I akuzuari ndodhet në paraburgim.