Lampedusa, shkas për kritika politikës evropiane të migracionit

Këta të vdekur mund të parandaloheshin. Emigracioni ilegal nuk mund të luftohet vetëm me masa represive", ka thënë raportuesi i OKB-së

Pas tragjedisë së detare në Lampedusa, në të cilën humbën jetën rreth 130 refugjatë nga Afrika, OKB përmes të raportuesit të saj të posaçëm François Crepeau ka kritikuar ashpër politikën evropiane të migracionit.

“Këta të vdekur mund të parandaloheshin. Emigracioni ilegal nuk mund të luftohet vetëm me masa represive”, ka thënë Crepeau  para Asamblesë së OKB-së, në Nju Jork.

Njëkohësisht me këtë, Këshilli i Evropës ka kërkuar angazhim më konkret për të parandaluar tragjeditë sikur kjo e fundit.  Deputetët  kanë kërkuar nga Italia që në të ardhmen t`i identifikojë dhe regjistrojë emigrantët ilegalë, azilkërkuesit dhe refugjatët .

Tragjedia ka ndodhur kur në barkën në të cilën ndodheshin rreth 500 refugjatë nga Eritrea dhe Somalia  kishe shpërthyer një zjarr, shkruan nzz.ch.

Italia ka shpallur të premten ditë zie.

Edhe Papa Françesku ka shprehur dhembjen e tij në emrin e Kishës Katolike për këtë tragjedi të rëndë. “Kjo që ka ndodhur është e turpshme. Sot lutemi për ta”, ka thënë njeriu numër një i botës katolike.