5 veturat më të shtrenjta në botë

Këto modele, kryesisht bëhen me porosi të veçantë dhe shpesh herë janë unike

Në sallonin e vetura në Gjenevë, “Bugatti” shfaqi modelin e tij më të fundit “La voiture Noire”, duke e prezantuar krijimin e tij si veturën e re më të shtrenjtë në histori.

Megjithatë ky pretendim duhet parë me shumë imtësi pasi edhe marka të tjera pretendojnë këtë titull në një segment ku mbretëron fshehtësia, transmeton “ATSH”.

Këto modele, kryesisht bëhen me porosi të veçantë dhe shpesh herë janë unike, përcjell albinfo.ch.

“Bugatti La Voiture Noire”, është paguar për 11 milionë euro, përjashtuar taksat, nga blerësi i saj.

“Pagani Zonda HP Barchetta”, sipas markës vlera e këtij modeli arrin në 15 milionë euro.

“Rolls-Royce Sweptail”, vlera e tij zyrtare nuk është konfirmuar kurrë nga prodhuesit, por shumë burime flasin për tarifa që arrijnë në 11,4 milionë euro.

“Bugatti Divo”, prodhuar vetëm në 40 ekzemplarë, që të gjithë janë shitur me vlerën e pesë milionë eurove për copë.

“Lamborghini Veneno Roadster”, i prodhuar në një sasi shumë të limituar, vetëm nëntë modele, që janë shitur secili për 3,3 milionë euro përjashtuar taksat.

---