Bota
Ndryshon ligji për armët në Zelandën e Re
Shoqata e policisë së Zelandës së Re, sipas raporteve në mediat vendase, ka kërkuar ndalimin e armëve gjysmëautomatike
Qeveria në Zelandën e Re mbështeti në parim ndryshimet në ligjin e armëve, të cilat kryeministrja Jacinda Ardern i deklaroi menjëherë pas masakrës në dy xhami të Christchurchit.
Ardern shpjegoi se detajet mbi reformën do të bëhen publike deri më 25 mars.
“Kjo do të thotë se, 10 ditë pas këtij akti të tmerrshëm terrorist, neve do të na duhet të njoftojmë reformat, që besoj se do ta bëjnë më të sigurt komunitetin tonë. Kemi marrë një vendim si kabinet. Mbi këtë jemi të gjithë të bashkuar”, tha Ardern, transmeton “TCH”.
Shefja e ekzekutivit pohoi gjithashtu se hetimi i nisur mbi ngjarjen e rëndë do të shikojë të gjitha shkaqet që çuan drejt saj, me shpresën se do të tregojë gjithashtu se çfarë mund të ishte bërë ndryshe, përcjell albinfo.ch.
Nëntë persona janë në spital në gjendje kritike për jetën, ndërsa mbi australianin Brenton Tarrant u ngrit akuza për vrasje me paramendim. Policia thotë se 28-vjeçari ka përdorur armë të tipit ushtarak për sulmin, të cilat për më tepër ishin modifikuar përpara ngjarjes me qëllimin që të bëheshin sa më vdekjeprurëse. Ai kishte licencë për armëmbajtje dhe këtë e ka marrë nëntorin e vitit 2017, ndërsa zotëronte 5 armë.
Shoqata e policisë së Zelandës së Re, sipas raporteve në mediat vendase, ka kërkuar ndalimin e armëve gjysmëautomatike. Ka pasur disa përpjekje të mëparshme për ashpërsimin e ligjit të armëve në vend, por ato kanë dështuar për shkak të lobit të fuqishëm të armëve, si dhe kulturës mjaft të përhapur të gjuetisë.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore