Alarmi për bombë, evakuohen bashkitë e 6 qyteteve gjermane

Paralajmërimi për bombë ka bërë që ndërtesat e bashkive të evakuohen në Augsburg, Kaiserslautern, Schemnic, Göttingen, Neunkirchen dhe Rendsburg, raportojnë mediat gjermane.

Ato raportojnë se kërcënimet janë dërguar drejtpërdrejt në adresën e e-mailit të shtëpive të qytetit, dhe ky informacion është konfirmuar nga hetuesit në disa qytete, përcjell albinfo.ch.

Gjithsesi nuk ka dëshmi të një pajisje shpërthyese në asnjë prej ndërtesave të bashkive, derisa hetimet janë duke u vazhduar.

Në Augsburg u evakuua bashkia e qytetit pas njoftimit, dhe të gjitha linjat e tramvajit që i afroheshin asaj u pezulluan.

Në Kaiserslautern, kërcënimi erdhi përmes e-mailit dhe policia menjëherë shkoi në ndërtesën e bashkisë. Zona rreth saj është e rrethuar, por aktualisht nuk ka kërcënim.

Thuhet se në Göttingen, hetuesit në terren mbërritën rreth orës 9:00.

Hetuesit po planifikojnë të kërkojnë të gjithë ndërtesën me qentë e kërkimit për eksplozivë.

Në Neunkirchen, policia gjithashtu ndërhyri, pas një raporti mbi një bombë që erdhi herët në mëngjes.