Zvicra mbledh 3 milionë franga për Jemenin

Publiku zviceran ka shprehur solidaritetin e vet për viktimat e luftës në Jemen, duke dhuruar të enjten më shumë se 3.1 milionë dollarë për një koleksion nga bamirësit zviceranë.

Mbledhja u organizua në partneritet me Korporatën Zvicerane të Transmetimeve, kompania mëmë e swissinfo.ch, përcjell albinfo.ch dhe do të shkojë në organizatat që ndihmojnë shoqërinë civile në Jemen, veçanërisht ato në fushën e shëndetit, higjienës dhe furnizimit me ujë të pijshëm.

Për katër vjet, Jemeni, që ndodhet në majën jug-perëndimore të Gadishullit Arabik, është dëmtuar nga një luftë civile, e cila ka dobësuar popullatën lokale dhe shkatërroi sistemin shëndetësor, thotë Solidariteti zviceran, përcjell albinfo.ch.

Rreth 24 milionë njerëz – 80% e popullsisë – varen nga ndihma, dhe 1.8 milion fëmijë që vuajnë nga mungesa e ushqimit. Kjo e bën atë krizën më të keqe humanitare në botë, sipas OKB-së.

Të enjten, rreth 400 vullnetarë u mbledhën gjatë gjithë ditës për të mbledhur donacione në qendrat telefonike në Chur, Gjenevë, Lugano dhe Cyrih. Paratë e mbledhura do t’i mundësojnë Solidaritetit Zviceran të bashkëfinancojë projektet më urgjente të organizatave partnere, si Adra, Handicap International, Médecins sans Frontières dhe Save the Children, përcjell albinfo.ch.

Fondacioni tashmë ka siguruar miliona franga në dispozicion të partnerëve të saj.

Derisa dita e dedikuar e mbledhjes mbaron, mbledhja e fondeve mbetet e hapur dhe donacionet mund të bëhen në internet ose përmes llogarisë postare.