Shtrenjtohet taksa për studentët e huaj në Zvicër?

Pasi që viteve të fundit ka pasur një ritje të vazhdueshme të numrit të studenteve të huaj në Zvicër, është rritur kostoja e studimit për ta dhe ajo nuk ka mundësi mbulimi

Studentët  që vijnë nga jashtë për të studiuar në dy universitetet e mëdha teknike të Zvicrës ETH Zürich dge EPF Lausanne do të duhej të paguanin taksa më të shtrenjta studimi. Këshukli Federal planifikon që në bashkëpunim me këshillin e ETH-së të përpunojë një ndryshim përkatës të ligjit mbi ETH-në .

Pasi që viteve të fundit ka pasur një ritje të vazhdueshme të numrit të studenteve të huaj në Zvicër, është rritur kostoja e studimit për ta dhe ajo nuk ka mundësi mbulimi. Kështu arsyeton Këshilli Federal, duke theksuar se këto shpenzime nuk ka mundësi të kompensohen përmes tatimeve, pasi që prindërit e këtyre studentëve nuk i paguajnë Zvicrës tatime.

Megjithatë, para se të merret vendimi përfundimtar për ngritjen e taksave duhet që së pari të vërtetohet nëse kjo gjë është në përputhje me të drejtën ndërkombëtare, njofton Këshilli Federal.

Një qëndrim i tillë do të hasë në kundërshtim të palëve të ndryshme në vend. Kritikuesit druajnë se ngritja e çmimit të taksave për studnetët e huaj do të zvogëlojë numrin e studentëve të talentuar që vijnë nga jashtë. Kjo pastaj do ta ulte pozicionin e universiteteve të Zvicrës në garë me universitetet tjera evropiane, shkruan landbote.ch

Në dritën e përpjekjeve që po bëhen në nivel të shtetit për rregullimin e kësaj çështjeje, ETH e Cyrihut e ka pezulluar përkohësisht tendencën për dyfishimin e taksave për studentët e huaj.