Festivali i kinemasë “Albania si gira”, nis sonte në Romë

“Italia dhe italianët në kinematografinë shqiptare gjatë e pas komunizmit”, është tema e Festivalit të kinemasë shqiptare që për sot deri me 7 prill  do të mbahet në qëndrën “Shtëpia e Kinemasë” (Casa del Cinema) në Romë. Ky është edicioni i parë i këtij festivali, i titulluar “Albania si gira”, i cili do të hedhë vështrimin mbi Italinë dhe italianët përmes prodhimtarisë së pasur kinematografike shqiptare në epokën e propagandës së regjimit komunist dhe pas tij, përcjell albinfo.ch.

Festival i ideuar dhe i kuruar nga shoqata kulturore CulturaPro në bashkëpunim me Ambasadën Shqiptare në Romë, me Ministrinë shqiptare të Kulturës, me QKSh-në, do të sjellë për publikun italian e shqiptar filmat “Gjeneral Gramafoni”, “Koncert në vitin 1936”, “Amaneti”, “Njeriu me top”, “Letra ere”, “Lindje Perendim Lindje”, “Lulëkuqet mbi mur”, “Bota kafe” etj.