Kërkohet që Ministria e Diasporës të zhvendoset në Gjilan

Gjatë ditës së sotme në Kuvendin e Kosovës janë diskutuar shumë pika, ndërsa pika për projektligjin për Diasporën nuk kaloi në mungesë të deputetëve.

Vetëm diskutimi për këtë projektligj zgjati më shumë se dy orë.

Në anën tjetër, deputeti i Partisë Demokratike të Kosovës, Zenun Pajaziti, gjatë debatit ka ka kërkuar Ministria e Diasporës të zhvendoset nga Prishtina në qytetin e Gjilanit.

Gjilani është njëri ndër qytetet e Kosovës, ku ka një numër të madh të bashkatdhetarëve.

Sipas Pajazitit, nëse Ministria e Diasporës vendoset në Gjilan, atëherë ky do të jetë një afrim i madh me Diasporën.

“Kërkoj nga kryetari i Kuvendit, Kadri Veseli, që është edhe lider i koalicionit qeverisës, që ta marrë në konsideratë këtë kërkesë dhe ta shohë mundësinë që Ministria e Diasporës të zhvendoset në qytetin e Gjilanit”, tha Pajaziti.