Fule: 2013-ta, viti i Serbisë

Në kuadër të IPA-së, BE i ndanë Serbisë 178.7 milionë euro ndihmë për të mbështetur reformat kyçe. Komisionari Fyle thotë e viti 2013 ka qenë historik për Serbinë

Në kuadër të Instrumentit të Para Anëtarësimit (IPA), Bashkimi Evropian (BE) të hënën ka aprovuar një shumë prej 178.7 milionë euro për Serbinë, ndërsa zyrtarët nga Brukseli vitin 2013 e kanë quajtur historik për ecurinë e këtij shteti drejt familjes evropiane.

Në kuadër të këtij programi, Serbisë i jepen grante në vlerë prej 178.7 milionë euro, për siç thuhet në vendimin e Komisionit Evropian për të ndihmuar Serbinë në implementimin e reformave në çështjet kyçë si: sundim të ligjit, administratë publike, çështje sociale, zhvillimin e sektorit privat, transportit, ambientit, energjisë dhe agrikulturës.

“Këto reforma janë krruciale për t’u përmbushur nga vendet që duan të jenë pjesë e Evropës, përmes të cilave do përmirësohet jeta e qytetarëve të Serbisë. Me këtë marrëveshje, BE përmes ndihmës së IPA-së për Serbinë nga viti 2001 ka arritur vlerën në 2.6 miliard”, citon “Zëri” raportin e Komisionit Evropian.

Në raport komisionari për zgjerim Stefan Fyle, vlerëson se ky vit ka qenë historik për Serbinë në raport me BE-në, lidhur me vendimin për t’i nisur negociatat dhe për hyrë në fuqi marrëveshja e stabilizim asociimit.

“Është me rëndësi që Serbia tani të shfrytëzojë këtë moment dhe të vazhdojë me reformat. BE me fondet e saj do të ndihmojë atë që të i implementojë këto reforma”, është shprehur komisionari Fule.

Ndryshe, relaksimi i raporteve Kosovë-Serbi ka qenë motivi kryesor që i ka shtyrë Këshillin e Ministrave të BE-së që ta aprovojnë vendimin që Serbisë t’i jepet data e negociatave për anëtarësim në BE. Kosova, në takimin e fundit të Këshillit të Ministrave as që është përmendur.