Universiteti i Salzburgut, mbështet arsimin e lartë në Kosovë

Si hap të parë në këtë drejtim janë prezantuar programet e këmbimit të studentëve në mes të dy vendeve. Por projekti si tërësi shkon edhe përtej kornizave të arsimit të lartë

Universiteti i Salzburgut ndihmon Kosovën për të ngritur një arsim të lartë modern. Para së gjithash janë studiuesit e këtushëm të shkencave politike ata që ndajnë dijen e tyre për të ndihmuar shtetin e ri ballkanik në përpjekjet e tij për mbërritjen e standardeve evropiane dhe për integrim evropian, shkruan orf.at.

Si hap i parë në këtë drejtim janë prezantuar programet e këmbimit të studentëve në mes të dy vendeve. Por projekti si tërësi shkon edhe përtej kornizave të arsimit të lartë, thotë koordinatori, Franz Kok. “Largimin në mes të njerëzve që e kanë shkaktuar luftërat ballkanike ne duam ta tejkalojmë duke ngritur ura. Kjo është shumë e rëndësishme për një perspektivë evropiane”, ka shtuar Kok.

Salzburgu,ndihmon përmes një projekti në kalimin e Kosovës nga një shoqëri postkomuniste në një shtet modern, demokratik, thekson më tutje politologtu Bekim Baliqi nga Universiteti i Prishtinës. Shkencat politike janë shumë të rëndësishme kanë rëndësi të veçantë për faktin se shumica e reformave në rrugën për në BE, si ato në adminstratën publike, prekin studnetët në menyrë të drejtpërdrejtë. “Shumica e studentëve tanë do të punojnë për institucionet shtetërore”, thotë Baliqi.

Shteti më i ri i Evropës ka nevojë para së gjithash për ndihmë në ngritjen e shtetit juridik modern, shkruan orf.at.