Ekspozita e shamive vë në pah ngjashmëritë mes feve

Një ekspozitë në Jerusalem ka vënë në pah ngjashmëritë e rrobave që përdorin gratë në tri fetë monoteiste.

Në qytetin e Jerusalemit është gjë e zakonshme të shohësh gratë myslimane, hebreje e të krishtere, duke ecur me shami dhe shpesh është e vështirë ta dallosh fenë e tyre.

“Kemi një shami në sytë tanë dhe shpesh i shikojmë njerëzit duke ecur dhe harrojmë të flasim me ta e të krijojmë një lidhje. Do të doja që vizitorët të ndaleshin dhe të kuptonin se çfarë shohin te këto gra”, thotë kuratorja e ekspozitës.

Në ekspozitën që po mbahet në Muzeun e Izraelit, kukullat me shami që u përkasin islamit, krishterimit dhe judaizmit, ofrojnë shpjegime se çfarë fshihet prapa rrobave modeste.

13 shami të ndryshme që përfaqësojnë tri fetë, janë pjesë e ekspozitës që përmban fotografi, video e mesazhe, të cilat tregojnë ngjashmëritë dhe dallimet mes ideologjive.

“Është interesante ta lexosh historinë e zhvillimit dhe evoluimit të traditës së shamive. Ekspozita shfaq tri gra, krejt të panjohura për publikun”, thotë drejtori Gjeneral i muzeut, Ido Bruno.