E Djathta do zbatimin pikë për pikë të Iniciativës “për dëbimin e të huajve kriminelë”

Partitë e djathta dhe të qendrës pranojnë zbatimin „pikë për pikë “të inicativës për dëbimin e të huajve kriminelë“, për t`ia marrë kështu SVP-së argumentin nga dora për iniciativën e re edhe më të ashpër!

Iniciativa për dëbimin e të huajve kriminelë“, e realizuar nga SVP/UDC dhe e cila qe votuar me shumicë nga votuesit zviceranë në vitin 2010, nuk është vënë në fuqi as sot e asaj dite. Për shkakun se partitë tjera në një komision të themeluar enkas kishin dashur të zbutnin tekstin e saj, SVP-ja pati paralajmëruar një iniciativë të ngjashme por tash të titulluar si „Iniciativa për zbatim“.

Pasi që kjo iniciativë konsiderohet edhe më e ashpër se e para, partitë e djathta dhe të qendrës të përfaqësuara në parlament kanë vendosur për një hap taktik: të pranojnë zbatimin „pikë për pikë “të inicativës për dëbimin e të huajve kriminelë“, për t`ia marrë kështu SVP-së argumentin nga dora për iniciativën e re. Njëkohësisht ato do t`ia dobësonin tehun kësaj partie para zgjedhjeve parlanentare të vitt 2015, shkruan nzz.ch.

Kreu i kësaj lëvizjeje është kryetari i FDP/PLR-së, Philipp Müller. Ai është i bndur se në rast se iniciativa „për zbatim“ e paralajmëruar nga SVP/UDC do të realizohet, ajo do të votohet nga populli.

Duke marrë pjesë në këtë rupim, Partia e Gjelbër Liberale (GLP), ka provuar të fusë një kompromis në tekstin e iniciativës. Kryetari i kësaj partie, Martin Bäumle është përpjekur të fusë klauzolën sipas të cilës „në raste të veçanta, për të bërë dëbimin duhet pritur vendimin e gjykatës“. Por, Bäumle ka hasur në rezistencën e partive të tjera të Qendrës dhe të djathta.