Maqedonia
Mjeku kërkon azil në Belgjikë, nuk kthehet në Maqedoni me asnjë kusht
Mjeku i përgjithshëm Sali Sadiku, ka braktisur vendlindjen dhe tani për momentin ndodhet në Bruksel
Pas kronikës së TV21 për mjekun Sali Sadiku, i cili mbylli ambulanten në Jabollçishtë të Velesit dhe u largua nga Maqedonia Veriore, zëvendësministri i shëndetësisë, Asim Musa, thotë që nuk ka qenë në dijeni për këtë rast.
Ai publikisht i bëri thirrje mjekut që të mos largohet nga vendi dhe të vazhdoj të jap kontribut në sistemin shëndetësor në vendlindjen e tij.
“Unë i bëj ftesë në qoftë se dëshiron të vazhdojë të punojë dhe të japë kontribut në Maqedoni, në vendlindjen e tij, që të mos largohet sepse në konkursin e parë që do të hapet në institucionet shëndetësore në Veles do ta pranojmë në vend pune. Në qoftë se largohet për një jetë më të mirë është vendim i tij. Nuk kemi paragjykime për doktorin Saliun, e aq më tepër në vendin ku ai punon. Numri i mjekëve tanë është i kufizuar”, deklaroi Asim Musa, zëvendësministër i Shëndetësisë së Maqedonisë Veriore, përcjell albinfo.ch.
Mjeku i përgjithshëm Sali Sadiku, ka braktisur vendlindjen dhe tani për momentin ndodhet në Bruksel. I pyetur nga TV21 se a do të kthehet pas ftesës që i bëri zëvendësministri, mjeku u përgjigj:
“Në Maqedoni kurrë e përjetë. E di se është shumë e shtrenjte vendlindja, i kamë lënë nën kujdesin e babit dhe mamit, fëmijët dhe gruan time. Aq kërcënime sa kam pasur unë si doktor nuk ka pasur njëri i Ballkanit, por dhashë Zoti të ketë drejtësi”, u shpreh mjeku nga Velesi, Sali Sadiku.
Nga ana tjetër drejtori i fondit për sigurim shëndetësor Orhan Ramadani, serish tha se fondi nuk ka asnjë borxh ndaj mjekut në fjalë, duke argumentuar faktuarat e pagesës.
“Me përgjegjësi më të madhe e themi se nuk kemi asnjë borxh ndaj mjekut dhe ambulancës Sal-Medikus. Unë si drejtor i fondit dua të theksoi se kam mbi 5 mijë kontrata në nivel të shtetit mes tyre edhe Ambulanca Sal-Medikus të Jabollçishtit të epërm dhe me asnjë unë nuk kam asnjë problem sepse fondi, me të gjithë i bënë pagesat në kohë”, potencoi Drejtori i Fondit për Sigurim Shëndetësor, Orhan Ramadani.
Ndryshe, mjeku Sali Sadiku mbylli ambulancën e tij në Jabollçishtë të Velesit, për të shkuar në Belgjikë. Ai pohon se nuk ka mundur të kalojë muajin me të ardhurat që kë pasur. Tani siç na njoftoi ai ka kërkuar azil në Belgjikë.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Pse 1 Maji nuk është festë publike kudo në Zvicër? Dita Ndërkombëtare e Punëtorëve shënohet më 1 maj, por vetëm disa pjesë të Zvicrës e festojnë...
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër
-
Zvicër: Priten qira akoma më të shtrenjta gjatë vitit të ardhshëm