Vendi që lejon mësuesit të mbajnë armë zjarri

Parlamenti i shtetit amerikan të Floridës ka miratuar të mërkurën një ligj që autorizon mësuesit të mbajnë një armë zjarri në klasë, një masë mjaft e diskutueshme, efikasiteti i së cilës mbetet për t’u vërtetuar.

Synimi i ligjit të ri, i cilit pritet të dekretohet pa hezitim nga guvernatori republikan i Floridës, Ron DeSantis, bëhet për të shmangur një masakër të re në mjedisin shkollor, pas ngjarjes në një lice në Parkland, ku një ish-nxënës vrau 17 persona, më 14 shkurt 2018.

Teksti u miratua të mërkurën nga 65 vota pro kundrejt 47 kundër në Dhomën e Përfaqësuesve në Florida, pasi siguroi javën e fundit shumicën në Senatin lokal.

Ligji parashikon që mësuesit të kenë mundësi të armatosen në baza vullnetare, pasi të kenë ndjekur një kurs për përdorimin e armëve prej 144 orësh.