Rita Ora do të këndojë shqip

Këngëtarja londineze me rrënjë shqiptare nga Kosova, Rita Ora, ka thënë se është duke punuar një këngë të re të cilën do ta sjellë në shqip

Ylli i muzikës Rita Ora edhe një herë ka treguar se  është e lidhur me vendlindjen.

 Megjithëse ka shpërthyer në majat më të larta të muzikës së popullarizuar të botës, Rita  nuk ka harruar fansat shqiptarë në Kosovë e Shqipëri.

Këngëtarja ka paralajmëruar në rrjetet sociale se do ta bëjë një këngë në gjuhen shqipe për të cilën ajo ka njoftuar se do ta sjellë së shpejti.

“Guess who will be making an albanian song anytime soon?? Guess who will come back in Kosovo anytime soon?? Prishtinë, Rita po t’vjen bre!!!! Hehe LOL (Qëllojani se kush do të vijë me një këngë në gjuhën shqipe së shpejti? Qëllojani se kush do të vijë në Kosovë së shpejti? Prishtinë, Rita pot vjen bre!!!)”, ka shkruar këngëtarja përmes profilit zyrtar në “Facebook”, transmeton kultplus.

Rita tashmë ka përfunduar punën e saj rreth albumit të dytë me radhë, për të cilin sipas intervistave të dhëna e statuseve nëpër rrjetet sociale, ka punuar shumë.

Nuk dihet nëse kënga në shqip do të jetë pjesë e albumit të këngëtares.

Pop këngëtarja nga Britania, me prejardhje kosovare, Rita Ora, ka lindur në Prishtinë, dhe është zhvendosur në Britaninë e Madhe, kur ishte vetëm njëvjeçare.