Ronaldo, në listën e Portugalisë për finalet e Ligës së Kombeve

Keystone EPA/PETER POWELL.

Portugalia e ka bërë publike listën e skuadrës për muajin e ardhshëm, inaugurues të finaleve të Ligës së Kombeve, me Cristiano Ronaldon që i prin listës dhe me përfshirjen e yllit tinejxher, Joao Felix.

Portugalia do të luajë në gjysmëfinale të garës kundër Zvicrës më 5 qershor në Porto, ndërsa fituesi do të luajë në finale kundër Anglisë ose Holandës në të njëjtin vend, katër ditë më vonë, transmeton albinfo.ch.

34-vjeçari Ronaldo ka qenë i përfshirë në ekip ashtu siç është pritur, pasi rikthimi i tij vjen pas mungesave të shumta që i pati vitin e kaluar.

Joao Felix pati sezon debutues të jashtëzakonshëm me Benfican, e për yllin portugez tani interesohen klube të mëdha evropiane.