E-Diaspora
Grabitësit sulmohen nga banorët, në mesin e tyre edhe një shqiptar
Edhe videoja e momentit dramatik u filmua nga një çift shqiptarësh nga Kosova, me banim në kryeqytetin britanik
Grabitësve të një argjendarie në Londër, gjërat nuk i shkuan sipas planit, e kjo për shkak të një ndërhyrjeje të cilën nuk e kishin llogaritur.
Banda kishte parashikuar ta zhvillonte goditjen e të largohej me shpejtësi me motor, çka do t’i jepte epërsi përballë reagimit të forcave të policisë.
Por pasi rrëmbyen bizhuteri me vlerën 190.000 dollarë, hajdutëve të veshur kokë e këmbë me të zeza u doli një pengesë: ndërsa largoheshin, një grup kalimtarësh u vunë në ndjekje të tyre; njëri prej djemve që u vërsulën mbi grabitësit, ishte shqiptar.
Edhe videoja e momentit dramatik u filmua nga një çift shqiptarësh nga Kosova, me banim në kryeqytetin britanik, transmeton “TCH”.
Mësohet se dy prej grabitësve u arrestuan nga policia jo shumë larg vendit të ngjarjes, ndërsa katër të tjerë janë në kërkim. Në Londër ndërkohë duket reagimet në raste të tilla sa vjen e po shtohen, përcjell albinfo.ch.
Përmes një videoje ekskluzive, “Daily Mail” tregoi një episod të ngjashme, kur hajduti praktikisht kthehet në viktimë. Dy persona tentuan të grabisnin një burrë që ishte në rrugë duke folur me miqtë e tij, por ndeshen në një reagim të cilin nuk e prisnin.
Burri që dallon në pamjet filmike nga këmisha e bardhë, i kthehet duke goditur njërin prej tyre në mënyrë të përsëritur dhe e ndjek me vrap.
Edhe pse tjetri ndërhyn, ai vazhdon ta qëllojë agresorin e parë duke e rrëzuar për tokë, dhe nuk ndalet as kur ai hyn në makinë, duke i goditur edhe automjetin.
Të ngjashme
Të tjera nga E-Diaspora
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)