Integrimi
Nxënësit shqiptarë nga Austria për vizitë në Kosovë e Shqipëri
Ministri kosovar i Diasporës, Ibrahim Makolli ka pritur grupin prej 50 nxënësish shqiptarë nga Austria, të cilët për disa ditë do të vizitojnë vende të ndryshme të Kosovës dhe të Shqipërisë
Ministri Makolli ka folur para nxënësve për historinë e Kosovës dhe për rëndësinë që ka ruajtja e traditës, historisë dhe gjuhës shqipe.
“Edhe pse keni lindur në vendin ku jetoni, sado që të arrini në jetë, kurrë mos e harroni vendin e të parëve, aty ku flitet shqip, ku i keni rrënjët tuaja. Nuk duhet të harroni vendin prej nga vini. Gjatë vizitës suaj nëpër Kosovë, ju do të shihni shumë përmendore, dëshmi e luftës së fundit, luftë kjo që bëri të mundur që sot ne të jetojmë të lirë”, tha ministri Makolli.
Më tej, ministri Makolli i porositi nxënësit shqiptarë që të lidhen më shumë me njëri-tjetrin, të ndikojnë te fëmijët e tjerë që ta ndjekin mësimin plotësues në gjuhën shqipe.
Ai posaçërisht i falënderoi mësuesit shqiptarë të këtij vendi mik për kontributin që po japin që të ruhet gjuha shqipe, kultura e traditat shqiptare.
Nxënësit shqiptarë shoqëroheshin nga Osman Ademi, Miradije Berishaj, Milaim Zyrapi dhe Roza Ndrecaj, të gjithë mësues të mësimit plotësues në gjuhën shqipe në Austri.
Kryesuesi i grupit të fëmijëve, Osman Ademi, mësues i gjuhës shqipe në Vjenë, u shpreh i kënaqur me vizitën që bashkë me nxënësit do ta bëjnë nëpër Kosovë e Shqipëri.
Ai me bashkëpunëtorët e tij, falënderuan Ministrin e Diasporës që ka bërë të mundur që këta fëmijë të vijnë në Kosovë, të jenë më afër atdheut, t’i njohin bukuritë dhe historinë e saj.
Të tjera nga Integrimi
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale