Mehmedi, dy gola në fitoren kundër Borussisë “së Xhakës”

Golin e parë e ka shënuar ë minutën 51 ndërsa të dytin, golin përmbyllës për skuadrën e tij e ka shënuar në minutën 87, duke vulosur rezultatin në 4:2

Admir Mehmedi ka shkëlqyer në ndeshjen e SC Freiburgut, të luajtur të shtunën kundër Borussia Mönchengladbach-ut, klubit të Granit Xhakës. Duke fituar me rezultatin 4:2 Freiburgu ka rritur shanset për mbetje në bundesligë edhe në sezonin e ardhshëm.

Në fillim të ndeshjes Mönchengöadbach-u ishte superior ndaj vendësve por fundi ishte i hidhur për klubin që tri ndeshje radhas para kësaj i kishte mbyllur me fitore.

Admir Mehmedi golin e tij të parë e ka shënuar ë minutën 51 ndërsa të dytin, golin përmbyllës për skuadrën e tij e ka shënuar në minutën 87, duke vulosur rezultatin në 4:2. ka

Me dy golat e kësaj jave, Mehmedi ka arritur tashmë të shënojë 11 herë në këtë sezon në bundesligë.
 
Granit Xhaka ka luajtur deri në minutën e 69, kur është përjashtuar nga fusha për shkak të kartonit të verdhë-kuq dhe e ka lënë skuadrën me 10 lojtarë.