Xhaka e Rashica nderohen me “Çelësin e Prishtinës” para ndeshjes humanitare

Mbrëmja e së shtunës u takon yjeve të futbollit shqiptar. Sonte në orën 20:00, yjet zbresin në stadiumin “Fadil Vokrri” në Prishtinë.
Ekipi i krijuar nga Granit Xhaka me shokë dhe ekipi i krijuar nga Milot Rashica me shokë do të përballen me njëri-tjetrin, për të dhuruar spektakël për të gjithë dashamirët e futbollit në Kosovë e më gjerë, transmeton albinfo.ch.

Dy yjet që janë edhe kapiten të skuadrave të tyre për sonte kanë mbajtur një konferencë për media para ndeshjes ku thanë se gati për sonte.

Në konferencë morri pjesë edhe kryetari i Komunës së Prishtinës, Shpend Ahmeti e Sekretari i Federatës së Futbollit të Kosovës, Eroll Salihu.

Ahmeti ka falënderoi dy futbollistet për të cilët ka thënë se janë ambasadorët më të mirë të Prishtinës.

Xhaka e Rashica, janë nderuar nga kreu i kryeqytetit kosovar me “Çelësin e Prishtinës” për promovim të kryeqytetit në botë.

Futbollisti i Arsenalit Granit Xhaka ka deklaruar së është i kënaqur me çmimin dhe tha se ndeshja e sotme pritet të jetë spektakël duke parë edhe interesim e madh.

Futbollisti i Ëerder Bremenit dhe i përfaqësuese së Kosovës, Milot Rashica, theksoi se le të fitojë më i miri.

Të gjitha të hyrat nga shitja e biletave do t’u ndahen 10 familjeve në nevojë.