E-Diaspora

Nuri Seferi, kampion i Evropës

Me 37 vjet dhe 42 luftëra profesionale (36 fitore), "Tajsoni shqiptar", emër me të cilin njihet Nuri Seferi, ka fituar për herë të tretë pas vitit 2010 dhe 2012 "EM" titullin në versionin WBO.

E shtunë, 17 Maj 2014 - 0:51 albinfo.ch
Seferi ka mposhtur të premten mbrëma kampionin e mëparshëm evropian, Tamas Lodi, një boksier hungarez, në CU-Arena në Neugraben, Gjermani, pas  dymbëdhjetë rundesh.
 
Seferin e kanë përkrahur qindra bashkatdhetarë në sallën CU-Arena, të cilët e kanë motivuar gjatë gjithë kohës.
 
“Tajsoni shqiptar” nga Gostivari i Maqedonisë ka siguruar  fitoren e 36-të në 42 luftëra profesionale, prej tyre 20 me nokaut. Kurse ka gjashtë humbje, prej tyre një me nokaut. 

Seferi mbante pozitën e 14-të në kategorinë deri në 90 kg (Cruiserweight), kurse pas këtij triumfi ngjitet në top pesshën e WBO-së në botë.

 
Shqiptari nga Gostivari i Maqedonisë, i cili jeton në Bernë të Zvicrës, në këtë mënyrë mund të vazhdojë të shpresojë për një luftë për titull bote. 
 
Në kategorinë “Cruiserweight” titullin e kampionit të botës në WBO e mban që nga viti 2009 gjermani Marco Huck (29). 
 
Kundër gjermanit  Huck shqiptari nga Maqedonia në vitin 2006 ka humbur pas dhjetë rundeve me pikë.

 Të tjera nga E-Diaspora

Ministrja shqiptare paralajmëron iniciativa për të drejtat e diasporës në Greqi

 E-Diaspora

 Jeta në Zvicër