Gjykata Federale e Zvicrës, dy vjet pas vetëvrasjes së shqiptarit Dedë Gecaj në burgun e St,Gallenit, ka vendosur të iniciojë procedura penale kundër zyrtarëve të ndryshëm  të përfshirë me rastin. Gjykata dëshiron të hedh dritë mbi një ngjarje për të cilën ka dyshuar familja e Dedajt.

Në nëntor 2010 në St. Gallen vrasësi i mësuesit zviceran, Dedë Gecaj, ishte gjetur i  vetëvrarë në qelinë e tij në paraburgim.

“Nuk mund të përjashtohet apriori që zyrtarët mund të jenë përgjegjës ngase nuk  kishin marrë masa të mjaftueshme për të parandaluar vetëvrasjen”, shkruan Gjykatën Federale në vendimin e saj. Nuk përjashtohet që të ketë ndodhur vetëvrasja nga neglizhenca.

I akuzuari tashmë i ndjerë ka pasur një regjim të rreptë burgu dhe “përvoja ka treguar që mund ta ketë çuar në vuajtje mendore “, thotë  gjykata.

Katër ditë para vetëvrasjes së Gecajt ai kishte pësuar një lëndim në kokë, kështu kishte treguar rezultati i autopsisë. I akuzuari ka thënë se ai kishte pësuar lëndime gjatë rrëzimit të tij.

Edhe pse në qelinë e tij u gjet një lak, zyrtarët përgjegjës nuk dhanë sqarime nëse lëndimi ndoshta erdhi nga një tentative vetëvrasjeje.

Ankesa në Gjykatën Federale erdhi nga djali i Dedë Gecajt.

Shqiptari Dedë Gecaj, pasi kishte vrarë mësuesin e të bijës, ishte arratisur në Kosovë, ku ishte dënuar nga një gjykatë serbe.

Pas përfundimit të luftës ai ishte liruar nga burgu dhe një kohë të gjatë kishte qëndruar i lirë në Kosovë, ndërkohë që autoritetet zvicerane e kërkonin ekstradimin e tij. Ai pastaj qe ekstraduar, por në fund të vitit 2010 qe gjetur i vetëvrarë në qelinë e tij të burgut në St. Gallen.

Për pasojë, nuk qe bërë e mundur t`i bëhej një gjykim i pavarur, në vendin e krimit, në Zvicër. Familja dhe avokati i tij vazhdojnë të hedhin dyshime mbi vetëvrasjen e tij