Familjarët e dy viktimave të aksidentit tregojnë si ndodhi ngjarja tragjike

Viktimat do të varrohen sot, ka njoftuar kompania e udhëtimit “Sharri”

Në një aksident në autostradën “Ibrahim Rugova” kanë mbetur të vdekur dy të rinj, njëri 25 vjeçar e tjetri 20.

Minutat e para të së shtunës në këtë vend kundër rregullave të komunikacionit ishte ndalur një autobus.

Nga ai mjet kishin zbritur Arianit B. e Gentrit G. Por ky moment doli të jetë tragjik për dy të rinjtë. Ata gjetën vdekjen në urën e njëmbëdhjetë të autostradës “Ibrahim Rugova” gjegjësisht në segmentin Duhël – Suharkë.

Të ndjerët ishin duke punuar për kompaninë e udhëtimit “Sharr Travel”, Arianiti (25-vjeçar) ishte shofer, e Gentriti (20-vjeçar) konduktor, raporton “T7”.

Menjëherë pas kësaj ngjarje këtu dolën organet e rendit. Ndërkohë, kryeprokurori i Prizrenit, Admir Shala, tregon se si kishte ndodhur ngjarja. Me sqarimin e rrethanave të këtij rasti po merret edhe polica.

Togeri Shaban Osmanollaj bën me dije se dy shofer të kompanisë janë në mbajtje, përcjell albinfo.ch.

Mëngjesi i së premtes ishte i kobshëm për familjen Bytyqi. Kjo shtëpi ka hapur të pamën për djalin e tyre të vetëm, Arianitin, që vdiq aksidentalisht.

Babi i tij, Kadri Bytyqi, thotë se djali i tij ka një vit që punon në “Sharr Travel”. Ai tregon se me rrogën që merrte mezi mbante veten.

Në anën tjetër, miku i Arianitit e përshkruan të ndjerin si njeri të urtë, i cili e ka bërë punën pa ankesa e me qejf.

Ditë zie kanë edhe familja Gallopeni nga fshati Doberdelan i Suharekës.

Djali i tyre ka punuar më shumë se dy vite në kompaninë “Sharr Travel”. Prapa kamerave familja e të ndjerit kanë thënë se Gentriti nuk ka pasur asnjë problem me kompaninë.

Në anën tjetër, T7 ka kontaktuar kompaninë “Sharr Travel”, por e njëjta nuk ka pranuar të flasë për rastin.

Megjithatë, përmes rrjetit social Facebook kanë shprehur ngushëllime për familjet e viktimave. Ata kanë njoftuar se varrimi i të ndjerëve do të bëhet sot (e diel).

VID

---